ЦЕР - е Европска заедница на Управители на инфраструктура и Железнички претпријатија. Во неа членуваат 76 членки од сите земји членки на ЕУ како и земјите кандидати (Хрватска, Македонија, Турција) земјите од Балканот, Норвешка и Швајцарија. ЦЕР со седиште во Брисел, ги претставува интересите на своите членки во Европскиот парламент, Европската Комисија и Советот на Министри на Европа како и кај другите политички и транспортни актери. Главната цел на ЦЕР е да промовира цврста железничка индустрија што е суштинско за создавање на одржлив, ефикасен и ефективен транспортен систем како и здрава животна средина. Цер експертите од канцеларијата во Брисел со членките на ЦЕР дискутираат за прашања од областа на инфраструктура, товарен и патнички сообраќај и со заеднички усогласени заклучоци и амандмани ЦЕР излегува пред европските институции. Во тек се активности за корекција на првиот железнички пакет, како и директивата за еуровињета. Меѓу многуте прашања ЦЕР со своите членки дискутира за надоместоците за пристап на инфраструктура, за железничката мрежа за товарен сообраќај, укажува на слабата финансиска архитектура на инфрасгруктурата, за конкурентноста на железничкиот транспорт во однос на другите начини на транспорт. Има генерално собрание на ЦЕР, состанок на Асистенти на Цер, Работни групи за Инфраструктура, Товарен патнички сообраќај. МЖ Инфраструктура е полноправна членка на ЦЕР.